Danıal Axmetov Shemonaıxa aýdanyndaǵy jańa mektepti paıdalanýǵa berý merzimin jarııalady
ASTANA. QazAqparat - Shyǵys Qazaqstan oblysynyń ákimi jańa mektepti ýaqytynda tapsyrmaý máselesin qural-jabdyqtardyń keshigip jetkizilýimen baılanystyryp otyr, dep xabarlaıdy QazAqparat tilshisi.
"Negizi, mekteptiń ózi daıyn tur. Ókinishke qaraı, partalar jáne basqa da qural-jabdyqtar 31 tamyzdan keıin biraq keldi. Qyrkúıekte biz qujat rásimdeý jumystaryn aıaqtaımyz. Shyny kerek, úlgermeı qaldyq. 1 qazan kúni balalardyń barlyǵy jańa mektepke kiretin bolady", - dedi Axmetov Úkimettiń búgingi otyrysy barysynda. Jańa mektep Shemonaıxa aýdanynyń Joǵarǵy Úlbi kentinde salyndy. Atalǵan nysan 300 orynǵa eseptelgen.
Aıta keteıik, aǵymdaǵy jyly respýblıka boıynsha 109 mekteptiń qurylysyna Ulttyq qordan 71,7 mlrd. teńge bólingen bolatyn. Sonyń 45,2 mlrd-y jańa 56 mekteptiń qurylysyn bastaýǵa bólinse, qalǵan 26,5 mlrd. teńgesi buryn bastalǵan 53 mekteptiń qurylysyna quıyldy. Alaıda bıýdjet qarajaty ýaqytynda ıgerilmeýinen birqatar nysandar kelesi jylǵa qalyp otyr. https://kaz.inform.kz/news/sagadiev-mektep-tenderimen-kop-oynagan-aymaktardy-atady_a3061643
