Danıal Ahmetov Zyrıanovsk aýdany problemalaryn sheshýge ýáde berdi
ÓSKEMEN. QazAqparat - Shyǵys Qazaqstan oblysyndaǵy Zyrıanovsk aýdany joldy jóndeýde jáne mektep sý tasqynynan aman qalady.
ShQO ákimi Danıal Ahmetov búgin aýdanǵa jasaǵan jumys sapary barysynda osyndaı sheshim qabyldady, dep habarlaıdy «QazAqparat» HAA tilshisi aqparattyq ortalyqqa silteme jasap.
Snegırovo aýylyndaǵy bóget 1973 jyly salynǵan.Osydan eki jyl buryn uzaqqa sozyǵan jańbyrdan keıin ózen arnasynan shyǵyp, úılerdi sý basqan edi. Sondyqtan bul keleńsiz jaǵdaıdyń qaıtalanbaýy úshin bógetti nyǵaıtýǵa sheshim qabyldandy. Jóndeý jumystarynan keıin bóget bes metrge kóterildi. Endi ol sý 2015 jylǵy deńgeıge taǵy da kóterilgen jaǵdaıda, aýyl turǵyndaryn qorǵaı alady. Mundaı topyraq úıindileri Hamır ózeni jaǵasyna da tóseldi.
«Aǵymdaǵy jyly óńirde tasqyn qaýpi bar ýchaskeler aldyn ala nyǵaıtyldy jáne ol óz nátıjelerin kórsetýde. Degenmen Besqaraǵaı jáne Severnyı eldi mekenderinde jer asty sýlarynyń kóterilýinen qıyndyqtar týyndady. Olar boıynsha da barlyq sharalar qabyldanatyn bolady»,-dep atap ótti Danıal Ahmetov.
Zyrıanovskide óńir basshysy «Nıvy Chapaevo» JShS-niń jańartylǵan tehnıkasyn kórdi, qala qazandyǵyn qaıta qurý jobasymen tanysty. Budan soń D. Ahmetov qurylys jáne kólik kolledjinde, aýdandyq aýrýhanada boldy. «Zýbovsk-Zyrıanovsk» tasjolynyń jaǵdaıymen tanysty .
Bul jol aýdan ortalyǵyn úsh aýyl okrýgimen baılanystyrady. 25 jyldan beri jóndeý kórmegen. «Endi jaǵdaı ózgeredi»,-dep ýáde berdi ákim. Aǵymdaǵy jyly ony qaıta salýǵa 200 mln teńge bólinedi.
Jumys saparynyń sońynda óńir basshysy tasqyn qaýpi bar ýchaskede ornalasqan Zýbovsk orta mektebine bardy.
Budan birneshe jyl buryn taýdan túsken kóshkin týra mektep ǵımaratynyń aldynda toqtaǵan edi. Mektep oqýshylaryn apattan qorǵaý úshin jalpy somasy 30 mıllıon teńgeni quraıtyn 180 qorshaý turǵyzý qajet.
Bul másele oblys basshysynyń nazarynan tys qalǵan joq. Danıal Ahmetov qajetti qujattar qalaı daıyn bolady, birden qarajat bólinetindigin málim etti.
