Danıal Ahmetov jol jóndeý jumystarynyń tenderlik qujattamasyn tekserýdi tapsyrdy
ÓSKEMEN. QazAqparat - Shyǵys Qazaqstan oblysynyń ákimi Danıal Ahmetov qar tazalaý men jol jóndeý jumystarynyń barlyq tenderlik qujattamasyn tekserý týraly tapsyrma berdi, dep habarlaıdy «QazAqparat» HAA tilshisi.
Bıyl qysta Shyǵys Qazaqstan joldary kúrdeli meteojaǵdaılarǵa baılanysty 84 ret, profılaktıkalyq qar kóshkinin túsirýge baılanysty 26 ret jabylǵan, dep habarlady búgingi jınalysta ShQO jolaýshylar kóligi jáne avtokólik joldary basqarmasy basshysynyń mindetin atqarýshy Murat Musataev.
Qys mezgilinde qardyń kóp túsýi de birqatar qıyndyqtar týdyrdy, - dep Musataev óńirdegi 3 myń shaqyrymnan astam avtokólik joldarynyń qysqy kútimine saraptama júrgizdi. Sonymen birge, dál osy taqyrypta «QazAvtoJol» UK» AQ shyǵysqazaqstandyq fılıalynyń dırektory Nurlan Ómirbaev sóz sóıledi. Ol qar tazalaý tehnıkalaryn qoldaný shyǵyndaryn azaıtý úshin bıyl 22 shaqyrym qar ustaıtyn qalqandardyń, 1,3 metrden asatyn qorshaýlardyń turǵyzylǵanyn habarlady.
Avtojoldardyń qysqy kútimine arnalǵan saraptamadan keıin jáne avtojoldardy tazalaý, jóndeý jumystary jáne qurylysyna jaýapty merdiger uıymdardyń tehnologııalyq jaǵdaıy týraly áńgimeden keıin Danıal Ahmetov ákimderge óz aýmaqtaryndaǵy merdigerler ótken maýsymda jumys júrgizgen jol jaǵdaıyna muqııat tekserý júrgizýdi, kemshilikter tabylǵan jaǵdaıda merdigerlerdi qaıta túzettirýdi tapsyrdy.
