Danıal Ahmetov Jeńil atletıka federatsııasynyń prezıdenti boldy
ASTANA. QazAqparat - Búgin Astanada Qazaqstan Respýblıkasy jeńil atletıka federatsııasynyń kezekten tys konferentsııasy óti. Jıyn barysynda federatsııanyń jańa prezıdenti bolyp Danıal Ahmetov saılandy, dep habarlaıdy «SPORTINFORM» SAA.
Kezekten tys konferentsııa barysynda eki másele qaraldy. Atap aıtqanda, Jeńil atletıka federatsııasyn buǵan deıin basqarǵan Ádilbek Jaqsybekovtiń ókilettiligin merziminen buryn toqtatý jáne federatsııanyń jańa prezıdentin saılaý.
Atqarý komıteti músheleriniń biraýyzdy sheshimimen Ádilbek Jaqsybekovtiń ókilettiligi merziminen buryn toqtatylyp, onyń ornyna QR jeńil atletıka federatsııasynyń prezıdenti bolyp Ahmetov Danıal Kenjetaıuly saılandy.
«Maǵan senim bildirgenderińizge rahmet! Ádilbek Ryskelduly basqarǵan bir jyldyń ishinde az sharýa atqarylǵan joq. Endi sol bastamalardy ary qaraı jalǵastyryp, Qazaqstan jeńil atletıka federatsııasyn damytýǵa tyrysamyz. Aldymyzǵa qoıǵan maqsattarymyz óte kóp. Máselen, birinshi rette, sporttyq ınfraqurylymdardy jetildirýdi kózdeımiz. Jaqyn ýaqytta jeńil atletıkaǵa beıimi bar barlyq óńirlerdiń ákimderimen kezdesip, sol aımaqtardyń jeńil atletıka sportyn damytý joldaryn qarastyramyz. Sonyń ishinde, kelesi jyly Semeı qalasynda Ulttyq quramalar bazasy daıyn bolady», - dedi Danıal Ahmetov.
Sondaı-aq shara barysynda Jeńil atletıka federatsııasy Atqarý komıtetiniń jańa músheleri bekitilip, Ádilbek Jaqsybekov Atqarý komıtetiniń quramyna endi.
