Danıal Ahmetov: Tenderde teńsizdik bar
ÓSKEMEN. QazAqparat - Shyǵys Qazaqstanda jol jóndeý jobalaryna qatysty tenderlerde jekelegen kompanııalarǵa basymdyq beriledi. Bul týraly aımaq basshysy Danıal Ahmetov ákimdik májilisinde aıtty.
Oblys ákimi tenderdegi teńsizdikke jol bergen sala basshylaryn synǵa aldy.
«Bir merdigerge 117 shaqyrym jol bólinse, endi birine 12 shaqyrym ǵana buıyrǵan. Ekeýiniń tehnıkalyq múmkindikterin saralap edik, birdeı bolyp shyqty. Eń soraqysy, ekeýine de jóndeý jumystaryn aıaqtaýǵa birdeı merzim belgilengen. Muny qalaı túsinýge bolady? Oblysta tapsyrys tappaı, jumyssyz otyrǵan kompanııalar jeterlik. Olardy tenderden ysyryp qoıyp, nege bir ǵana merdigerge basymdyq beriledi?» - dep shúılikti Danıal Ahmetov.
Tekserý kezinde budan basqa da jónsizdikterdiń beti ashylǵan. Jol jóndeý jumystaryna jergilikti óndiristiń temir-beton ónimderi múldem qoldanylmaǵan. Oblysta úsh birdeı tsement zaýyty jumys istep turǵanyna qaramastan, qajetti materıal Almaty oblysynan tasymaldanýda.
«Іske kirispes buryn qurylys materıaldaryna, olardyń sapasy men qunyna taldaý júrgizilýi qajet. Alystan arbalaǵansha, ózimizdegi ónimdi paıdalanǵan tıimdi. Bul máselege qatysty jergilikti óndrýshilerdi shaqyryp, pikirin bilý kerek», - dedi oblys ákimi Danıal Ahmetov.
