Danıal Ahmetov: Shyǵys Qazaqstandaǵy jaǵdaı qatań baqylaýda
«Elimizde, onyń ishinde Shyǵys Qazaqstanda bolǵan jaǵdaıdy aýyr qylmys sıpatyndaǵy terrorızm men ekstremızm aktisi dep tolyq aıta alamyz. Turǵyndarǵa týǵyzǵan keleńsizdik, ıaǵnı ınternet jelisiniń óshirilýine baılanysty keshirim suraımyz. Biraq terrorıster úshin ınternet baılanys kommýnıkatsııasynyń birden bir quraly, sondyqtan bul máselege joǵary túsinýshilikpen qaraýlaryńyz qajet. Óńirdegi jaǵdaı qatań baqylaýda», - dep jazdy Danıal Ahmetov Facebook jelisindegi paraqshasynda.
Onyń aıtýynsha, qazirgi tańda komendanttyq saǵatty saqtaı otyryp, barlyq kásiporyndar, dúkender, dárihanalar men medıtsınalyq mekemeler shtattyq rejımde jumys isteýde. Jalaqyny, zeınetaqyny, áleýmettik tólemderdi tóleý boıynsha da jaǵdaı turaqty. Oblystaǵy ekinshi deńgeıli bankter tólem júıesin tolyqtaı iske qosýda.
«Ókinishke qaraı, aımaqta zardap shekkender de bar. Terrorızm men ekstremızmmen kúres jónindegi oblystyq shtab keltirilgen zardap pen shyǵyn mólsherin anyqtaý ústinde, ıaǵnı ony aldyn ala jarııalaý múmkin emes.
Men shyǵysqazaqstandyqtardy provokatsııaǵa berilmeýdi suraımyn. Terrorısterdiń is-áreketi elimizdegi ekonomıkalyq jáne saıası jaǵdaıdy qalpynan shyǵarýǵa, halyqtyń úreıin qashyrýǵa baǵyttalyp otyrǵany belgili.
Oblys turǵyndaryn tek sabyrlyq saqtaýǵa shaqyramyn», - dedi ShQO ákimi.
