Danıal Ahmetov ShQO Jeńil atletıka federatsııasynyń tóraǵasy bolyp saılandy
ÓSKEMEN. QazAqparat - Shyǵys Qazaqstanda Jeńil atletıka federatsııasyna jańa basshy saılandy. Endi bolashaq olımpıada chempıondaryn tárbıeleý isine óńir basshysynyń ózi tikeleı basshylyq etetin bolady, dep habarlaıdy «QazAqparat» HAA tilshisi ákimdik baspasóz qyzmetine silteme jasap.
Qazaqstan Jeńil atletıka federatsııasynyń konferentsııasynda Danıal Ahmetov atqarýshy komıtettiń músheligine de saılandy.
Osy aptada Óskemende oblystyq Jeńil atletıka federatsııasynyń konferentsııasy ótti, oǵan olımpıada chempıony Olga Rypakova da qatysty. Ol tóraǵa orynbasary bolyp taǵaıyndaldy. Jańa basshynyń birinshi tapsyrmasy bir aı merzimde óńirde jeńil atletıkany damytý baǵdarlamasyn ázirleý boldy. Baǵdarlamanyń aldyna «ALTAY ATHLETICS» kásipqoı klýbynyń qyzmetin jáne óńirdegi osy saladaǵy jumystardy júıeleý maqsaty qoıyldy.
«Munda barlyǵy da kásipqoı klýbtardaǵy sııaqty bolýyn qalaımyn. Bizdiń balalar kóp aqsha tabý múmkindigin beretin mamandyq ekenin túsinýi tıis. Búkil Qazaqstannan jeńil atletterdi izdep taýyp, olardy «ALTAY ATHLETICS» klýbyna ákelý jáne jas talanttardy izdeýdi dáıektilikpen júrgizý - Federatsııanyń mindeti», - dedi D. Ahmetov.
Federatsııa bazasynda taǵy eki komanda jasaqtalady. Olardyń birine eldiń túkpir-túkpirinen jartylaı kásipqoı sportshylardy, ekinshisine tek Shyǵys Qazaqstannyń talantty jastary jınalady.
Búgingi tańda oblystyq ortalyqta 50-den astam bala sporttyq qyr-syryn úırenip jatyr. Jýyrda Semeıde jáne barlyq balalar-jasóspirimder sport mektepterinde jeńil atletıka bólimshesi ashylady.
Eske sala ketsek, ShQO-da Danıal Ahmetovtiń bastamasymen qarashada jeńil atletıkadan eldegi tuńǵysh kásipqoı klýb - «ALTAY ATHLETICS» qurylǵan bolatyn.
