Danıal Ahmetov ShQO-nyń karantınge ázirligin tekserdi
ÓSKEMEN. QazAqparat – Shyǵys Qazaqstan oblysynyń ákimi Danıal Ahmetov pen oblystyq Polıtsııa departamentiniń bastyǵy Saǵat Mádıev quzyrly organdardyń karantınge daıyndyǵyn tekserdi, dep habarlaıdy QazAqparat.
Oqý-jattyǵý kezinde Óskemen jáne Semeı qalalarynyń kire berisine blokbeket ornatyldy. Sharaǵa polıtsııa qyzmetkerleri, áskerıler, sanıtarlyq-epıdemıologııalyq qyzmet mamandary qatysqan.
«Óńirde karantın engizilgen jaǵdaıda eldi mekenderge kirer jáne shyǵar jerlerde blokbeketter qoıylyp, onda osy organdardyń qyzmetkerleri táýlik boıy jumys isteıtin bolady. Mundaı sharalar azamattardyń qaýipsizdigin qamtamasyz etip, vırýstyq ınfektsııanyń taralýyn tejeıdi. Kólik júrgizýshileri men jolaýshylarǵa karantın kezindegi turǵyndardyń mindetteri týraly túsindirý jumystaryna erekshe kóńil bólinedi», - dep habarlady ShQO Polıtsııa departamentiniń baspasóz qyzmetinen.
Oqý-jattyǵý kezinde jol-patrýldik polıtsııa qyzmetkerleri júrgizýshilerdiń qujattaryn planshetpen elektrondyq baza arqyly qalaı tekseretinin kórsetti. Sondaı-aq Óskemen men Semeı qalalarynyń Polıtsııa basqarmalary jekelegen aýmaqta karantın rejımin engizýdegi daıyndyqtaryn pysyqtady.
«Sharanyń maqsaty – jaýapty organ qyzmetkerleriiniń jáne qural-jabdyqtardyń ázirligin tekserý. Karantın engiziletin jaǵdaıǵa halyqqa qajettiniń bári bar: jeke gıgıena quraldary, palatkalar, týrnıketter jáne qajet bolǵan jaǵdaıda basqa da arnaıy quraldar daıyn», - deıdi departament bastyǵy Saǵat Mádıev.
