Danıal Ahmetov: ShQO-da koronavırýs vaktsınasyn 85 myń bala alýy tıis

ÓSKEMEN. QazAqparat – Shyǵys Qazaqstan oblysynda Pfizer vaktsınasyn 85 myń bala alýy tıis. Bul jaıly aımaq basshysy Danıal Ahmetov Facebook jelisindegi jeke paraqshasynda jazdy, dep habarlaıdy QazAqparat tilshisi.

«Óńirde vaktsına alǵandardyń sany – 901 myń adamǵa jetti. Bul, jalpy Shyǵys Qazaqstan turǵyndarynyń 67%. Aldaǵy bir-eki kúnde vaktsınatsııanyń 2-shi komponentin alýdy aıaqtaýymyz kerek. Nátıjesinde oblys jurtshylyǵynyń 95% vaktsınalanady. Bul el boıynsha aldyńǵy qatarǵa shyǵýymyzǵa jáne «jasyl» aımaqta qalýymyzǵa múmkindik beredi», - dedi ol.

Danıal Ahmetovtyń aıtýynsha, oblysqa Pfizer vaktsınasynyń 35 myń dozasy jetkizilgen.

«El Prezıdenti Qasym-Jomart Toqaevtyń tapsyrmasyna sáıkes oblysqa Pfizer vaktsınasynyń 35 myń dozasy jetkizildi. Sondyqtan jaqyn arada 12 men 18 jas aralyǵyndaǵy 85 myń bala, aıaǵy aýyr jáne bala emizetin áıelder koronavırýs ınfektsııasyna qarsy ekpe alýy qajet. Bul ujymdyq ımmýnıtetti nyǵaıtý men aýrýdyń taralýyna tosqaýyl bola alady. Osy rette, vaktsına saldyrǵan barsha shyǵysqazaqstandyqtarǵa rızashylyǵymdy bildiremin. Endi eń bastysy ata-analar balalar vaktsınatsııasyna asqan jaýapkershilikpen qaraýy qajet. Búldirshinderdi qaýipti dertten qutqarý – bárimizge mindet», - dedi oblys ákimi.