Danıal Ahmetov: ShQO-da eldegi eń úlken turaqtandyrý qory qalyptasty
ÓSKEMEN. QazAqparat - Óskemende kezekti senbilik aýyl sharýashylyǵy ónimderiniń jármeńkesi ótti.
Jármeńkege barǵan óńir basshysy Danıal Ahmetov saýda núktelerin aralap, jergilikti óndirýshilerdiń ónimderiniń baǵasyna qyzyǵýshylyq tanytty jáne satýshylar men satyp alýshylarmen áńgimelesti, dep habarlaıdy «QazAqparat» HAA tilshisi qala ákimdiginiń baspasóz qyzmetiniń resmı habarlamasyna silteme jasap.
Jármeńkede Ulan aýdanynyń sharýalary óz ónimderin usyndy. Olar 28 tonnadan astam ónim, sonyń ishinde 10 tonna et ónimi, túrli sút ónimderi, jemis-jıdekter alyp kelgen.
«Qarasha aıynan beri jármeńkeler uıymdastyrylǵan, olardyń mańyzy zor. Ár aýdan Óskemen men Semeıde jármeńkeler ótkizedi. Mysaly, sıyr etiniń baǵasy 1 200-1 400 teńge, kartoptar 80 teńgeden satylyp jatyr», - dep atap ótti ShQO ákimi D.Ahmetov.
«Biz elimizdegi eń úlken turaqtandyrý qoryn qurdyq - onda 12 myń tonnadan astam kókónis ónimi bar. ıAǵnı, Óskemende 40 orynda, Semeıde 30 orynda kartop, sábiz, qyryqqabat pen pııaz kelisine 75 teńgeden, tıimdi baǵamen satylady. Biz qazir osy baǵany ustap tura alamyz. Baǵanyń sharyqtap ketýin jol berilmeıdi. Osyndaı jármeńkeler baǵany turaqtandyrady», - dedi ol.
Eske salaıyq, demalys kúnderi dástúrli túrde jármeńke uıymdastyrylady. Ár senbi saıyn «Fresh Market» fermerlik gastronomy satyp alýshylardy kútedi.
