Danıal Ahmetov ShQO aýyl sharýashylyǵy basqarmasynyń basshysyn qyzmetinen bosatady
ASTANA. QazAqparat - Shyǵys Qazaqstan oblysynyń ákimi Danıal Ahmetov aýyl bıznesin shaǵyn nesıeleýge bólingen qarjyny ıgere almaǵan óńirdiń aýyl sharýashylyǵy basqarmasynyń basshysy otstavkaǵa ketetindigin málim etti, dep habarlaıdy QazAqparat.
«Qordyń Shyǵys Qazaqstan oblysyna jasaǵan kadrlyq aýys-túıisteri jaqty nátıje bere bastaǵandyǵyn aıta ketken jón. Eger qordyń aýyl sharýashylyǵyna qarjylaı qoldaýy 1 tamyzǵa deıin 305 ótinimniń tek qana 32-sin qamtysa, 7 tamyzda 214 mln teńgeniń 66 jobasy maquldandy. 15 qyrkúıekke deıin taǵy 74 ótinim qaralady. Jalpy qyrkúıek aıynda 400 mln teńgege 150 qarastyratyn bolady», - dedi ol búgin Úkimettiń selektorlyq rejimdegi otyrysynda.
Onyń aıtýynsha, qyrkúıek aıynyń sońyna deıin 909 mln teńge somasyna 305 zaemshiniń nesıe alatyndyǵy boljanýda. Al qalǵan 100 ótinim qazannyń 15-ine deıin júzege asyrylady.
«Agrarlyq kredıttik korporatsııa boıynsha eshqandaı problema joq. 1 qyrkúıekke deıin 528 mln teńge kólemindegi qarjy tolyqtaı ıgeriledi. 89 zaemshi bar, onyń 25 qarjylandyryldy. Kúni keshe ǵana taǵy 26 ótinim maquldandy jáne 38 ótinim qaralyp jatyr. «Baqytjan Ábdiruly (Úkimet basshysy Saǵyntaev) biz mundaı kemshilikke jol berilmeý kerektigin túsinemiz. Taıaý ýaqytta aýyl sharýashylyǵy basqarmasynyń jetekshisi otsavkaǵa ótinish beredi»,- dedi Danıal Ahmetov.
Aıta keteıik, Úkimet otyrysynda baıandama jasaǵan QR Aýyl sharýashylyǵy birinshi vıtse-mınıstri Qaırat Aıtýǵanovtyń aıtýynsha, 2017-2021 jyldary Ónimdi eńbekpen qamtý jáne jappaı kásipkerlikti damytý baǵdarlamasy aıasynda Aýyl sharýashylyǵy mınıstrligi aýyldyq eldi mekender men shaǵyn qalalarda shaǵyn nesıeleýdi, shaǵyn qarjylyq uıymdar men kredıttik seriktester bóletin shaǵyn nesıelerdi kepildendirýdi júzege asyrady. Bul maqsatqa bıýdjetten 27 mlrd teńge bólingen. Onyń 11 mlrd teńgesi Agrarlyq kredıttik korporatsııa arqyly júzege asyrylady.
