Danıal Ahmetov Semeıde sý basqan aýdandarda boldy
SEMEI. QazAqparat - Semeıde sý tasqynynan zardap shekken 50 úıdi qaladaǵy uıymdardyń kúshimen qalpyna keltirý naýqany bastaldy, dep habarlaıdy QazAqparat.
Búgin kezekti ret Semeı turǵyndarymen kezdesken aımaq basshysy Danıal Ahmetov Kemejaı aýdanyndaǵy úılerde tasqynnyń saldaryn joıý jumysynyń barysymen tanysyp, sapasyn baǵalady. Aıta ketý kerek, ázirge shyǵynnyń naqty kólemi eseptelgen joq. Ol birer kúnde aıaqtalatyn komıssııa jumysynyń qorytyndysy boıynsha belgili bolady.
«Aldyn ala esepteý boıynsha 15 úıdi qalpyna keltirý múmkin emes. Olarǵa barlyq resýrstar bólinedi. Al taǵy onshaqty baspana jergilikti uıymdardyń kómegimen qalpyna keltiriledi. Semeıde júrip jatqan tıimdi jumys pen qalalyqtardyń belsendiligi bul jumystardyń tezarada aıaqtalatynyn aıaǵaqtaıdy, - dedi aımaq ákimi 
Mamandardyń aıtýynsha, Kemejaıdaǵy dambanyń jıegi 750 metrge deıin bekitilgen. Seń kezinde Ertis ózenindegi jarý jumystaryn óz ýaqytynda jáne tıisti deńgeıde júrgizýdiń arqasynda ǵana sý deńgeıin túsirý múmkin bolǵany aıtylyp otyr. Danıal Ahmetov jarý kezinde zardap shekken barlyq 50 tereze qalpyna keltiriletinin málimdedi.
