Danıal Ahmetov reseılikterge Óskemende kópir salýdy usyndy
ÓSKEMEN. QazAqparat - Shyǵys Qazaqstan oblysynyń ákimi reseılik «Mostostroı-11» AQ basshylyǵymen kezdesti, dep habarlady «QazAqparat» HAA tilshisine óńir basshysynyń baspasóz qyzmeti.
Kezdesý barysynda kompanııanyń bas dırektory Nıkolaı Rýssý júzege asqan jobalar men tehnıkalyq múmkindikterdi, sonyń ishinde Qazaqstandaǵy jobalar týraly habardar etti.
ShQO ákimi óz kezeginde Ertis ózenine, Óskemendegi Vınogradov kóshesi arqyly kópir turǵyzý jobasyna qatysýǵa shaqyrdy.
Belgili bolǵandaı, «Mostostroı-11» AQ Reseıdiń kópir qurylysymen aınalysatyn iri bes kompanııasynyń biri. Kásiporyn sondaı-aq ónerkásiptik-azamattyq, mádenı-áleýmettik baǵyttaǵy ǵımarattar salýmen de aınalysady.
