Danıal Ahmetov Prezıdent shyrshasyna kelgen 450 oqýshyǵa netbýk syılady
ÓSKEMEN. QazAqparat - Óskemende Shyǵys Qazaqstannyń túkpir-túkpirinen jınalǵan tańdaýly 450 oqýshynyń qatysýymen Prezıdent shyrshasy ótti, dep habarlaıdy QazAqparat tilshisi.
Shyǵysta shyrsha toıy bastalyp ketti. Onyń shymyldyǵy Prezıdent Nursultan Nazarbaevtyń quttyqtaýymen ashyldy.
«Jańa jyl - jańa armandar men úmitterdiń meıramy. Sondyqtan úlken de, kishi de ony asyǵa kútedi. Sender jyl boıy talmaı oqyp, konkýrstar men olımpıadalarda jeńimpaz atandyńdar. Elimzde jas býynnyń durys bilim alyp, tulǵa bolyp jetilýine barlyq jaǵdaı jasalǵan. Eńbekqorlyq pen bilimge degen qushtarlyq armanǵa jetkizedi. Denderiń saý bolyp, jańa bilimge, shet tilderin úırenýge umtylyńdar. Ata-ana qamqorlyǵyn baǵalaı bilińder» delingen vıdeo-quttyqtaýda.
Aqjarma tilekti oblys ákimi Danıal Ahmetov jalǵastyryp, shyrsha toıyna kelgen balalarǵa tátti toly dorba men netbýktar tabystady.
«Men Besqaraǵaı aýdanynan keldim. Tańdalýy 450 balanyń qataryna iligip, oblys ákiminiń shyrshasyna qatysqanyma qýanyshtymyn. Merekelik qoıylymdar men ertegiler óte mazmundy boldy. Netbýkti kópten beri armandap júrgen edim. Rasymen Jańa jyl armandardy oryndaıdy eken», - deıdi Baqtııar Qalqamanov.
Shara sońynda balalar oblys ákimimen sýretke túsip máz-meıram boldy. Shyrshadan shyqqan soń olar oblystyq tarıhı-ólketaný mýzeıinde bolyp, teatr qoıylymyn tamashalady.
