Danıal Ahmetov Óskemenniń qoǵamdyq kólikterine reıd júrgizdi
ÓSKEMEN. QazAqparat – Shyǵys Qazaqstan oblysynyń ákimi Danıal Ahmetov Óskemenniń qoǵamdyq kólikterinde júrgizilip jatqan dezınfektsııalaý sharalaryn kórip qaıtty, dep habarlaıdy QazAqparat.
Reıd barysynda aımaq basshysy qalalyq avtobeket, tramvaı parki jáne «Voska» JShS-nyń jumysymen tanysty. Búginde qoǵamdyq kólikterde zararsyzdandyrýǵa qajetti barlyq qural-jabdyqtar jetkilikti.
«Osyndaı sharalar tek avtobýstarda emes, avtobeket ǵımaratynda, dárethanalar men ashanalarda júrgizilýde. Dezınfektsııalaýdy lıtsenzııasy bar kompanııa júrgizedi. Sondaı-aq bizde quramynda dáriger-epıdemıolog bar medıtsınalyq brıgada qurylǵan», - deıdi «Óskemen avtobeketi» JShS dırektory Almaz Beısenǵazın.
Al qala ishinde qatynaıtyn qoǵamdyq kólikter kúnine úsh ret zararsyzdandyrylýda. Tramvaılarǵa da táýligine birneshe márte dezınfektsııa júrgiziledi. Oblys ákimi atqarylyp jatqan jumystarǵa oń baǵasyn berdi.
«Óńir halqyn sabyrly bolýǵa shaqyramyn. Jýyqta ǵana birneshe ret qoldanylatyn medıtsınalyq maska shyǵarýdy qolǵa aldyq. Aldaǵy ýaqytta ony barlyq dárihanalardan satyp alýǵa bolady», - dedi Danıal Ahmetov reıd sońynda.
