Danıal Ahmetov Óskemenniń aýlalaryna 2 mlrd teńge bólmekshi
ÓSKEMEN. QazAqparat - Óńir basshysy Danıal Ahmetov Óskemendegi aýlalardyń biriniń turǵyndarymen júzdesti jáne ol turǵyndardyń úılerine tıesili aýlalardyń jaǵdaıy kúrt ózgeriske ushyraıtynyn aıtty, dep habarlady QazAqparat tilshisine ákimdiktiń baspasóz qyzmetindegiler.
Osy aımaqta aldaǵy aıda balalarǵa arnalǵan oıyn jáne sport alańdary salynbaqshy. Sondaı-aq jol jıegi men kólik turaqtary keńeıtiledi. Bul baǵyttaǵy sharalar barlyq shaǵyn aýdandarda qolǵa alynady.
Danıal Ahmetov qala ákimine 1 aı kóleminde barlyq jóndeý jumystaryn aıaqtap, abattandyrylýy qajet ózge aýla terrıtorııalarynyń tizimin jasaýdy tapsyrdy.
«Óskemenniń aýlalaryn abattandyrý jumystaryna biz oblys bıýdjetinen 2 mlrd teńge bólemiz. Kelesi jyly jaryqtandyramyz. Aldymen jaryqtandyrý jumystary mektepter men balabaqshalardy, aýrýhanalardy sosyn aýlalardy qamtıtyn bolady. Bolashaqta biz barlyq aýlalardy beınekameralarmen qamtımyz. Al sizderden biz osy ıgilikterdiń barlyǵyna baskóz bolýdy suraımyz»,-dedi óńir basshysy.
Oblys ortalyǵynda kósheni jaryqtandyratyn 12 myń lampany aýystyrý kózdelip otyr. As eski lampalar aýlalarǵa ornatylady.
