Danıal Ahmetov Óskemendegi Úlbi jaǵasyn nyǵaıtýdy tapsyrdy
ÓSKEMEN. QazAqparat - Shyǵys Qazaqstanda sý tasqynyna qarsy sharalar áli de jalǵasýda. Mamandar ózenderdegi sý deńgeıin táýlik boıy baqylaýyna alǵan.
Oblystyq ákimdiktegi otyrysta óńirdegi jaǵdaı talqylandy, dep habarlaıdy «QazAqparat» HAA tilshisi aqparattyq ortalyqqa silteme jasap.
TJD basshysy Nurlan Madııarov málim etkendeı, Zyrıanov aýdany aýmaǵynda Hamır ózeniniń jaǵasy nyǵaıtyldy. Mamandar óńirde turǵyndar arasynda túsindirý jumystaryn júrgizdi.
«Aǵymdaǵy máselelerdi jiti talqylap, qajetti kómekti kórsetý kerek, bul úshin bıýdjetten aqsha qarastyrylǵan», - dedi óńir basshysy Danıal Ahmetov.
Oblys ákimi bir apta ishinde jyl saıyn Óskemen turǵyndaryna qaýip tóndiretin Úlbi ózeniniń jaǵasyn nyǵaıtýdy tapsyrdy. Muny jaýyn saldarynan kúrt artatyn ózendegi sý deńgeıiniń kóterilýin kútpeı, aldyn ala jasaý qajet.
