Danıal Ahmetov óńirde medsaqtandyrýdy engizý jumystaryn synǵa aldy
ÓSKEMEN. QazAqparat - ShQO ákiminiń keńeıtilgen májilisinde Danıal Ahmetov medıtsınalyq saqtandyrýdy engizý boıynsha túsindirý jumystary álsiz júrip jatqandyǵyn synǵa aldy, dep habarlady «QazAqparat» HAA tilshisi.
Densaýlyq saqtaý basqarmasynyń taıaýda taǵaıyndalǵan basshysy Marat Shoranovtyń medıtsınalyq saqtandyrý jáne ony aqparattyq túsindirý jumystary týraly baıandamasyn tyńdaǵan Danıal Ahmetov, alda úlken jumys kútip turǵandyǵyn atap ótti.
M. Shoranov óńirde halyqty emhanalarǵa bekitý rásimi aıaqtalmaǵanyn aıtty, 240 myńdaı adam áli medıtsınalyq mekeme tańdamaǵandyǵyn baıandady.
«Medıtsınalyq saqtandyrý jaıly halyqtyń 26 paıyzy ǵana habardar. Bul áli de bolsa atqarylatyn jumystardyń aýqymdylyǵyn bildiredi, - dedi ákim.
Sondaı-aq Danıal Ahmetov densaýlyq saqtaı basshylyǵyna ár sanat úshin jeke-jeke qajetti túsindirý jumystarynyń egjeı-tegjeıli tizbesin daıyndaýdy jáne bir aı merzimde ShQO densaýlyq saqtaýdy damytý josparyn qaıta jasaýdy tapsyrdy. Uzaqmerzimdi jáne ortamerzimdi josparǵa halyqaralyq standarttarǵa sáıkes (brıgadalyq ádiske) onkologııa, kardıologııa, júkti áıelderdiń densaýlyǵy - basym baǵyttary boıynsha mýltı tártiptik komandalarmen mamandardy oqytýdyń úsh deńgeıli keshendi jospary enýi tıis ekendigin esketti.
«Elimizde densaýlyq saqtaýǵa jáne jańa medıtsınalyq jabdyq satyp alýǵa aýqymdy qarajat jumsalyp jatqandyǵyn eske salǵym keledi. Ár tarmaqty jan-jaqty oılastyryp, jumys isteý qajet. Mysaly, birinshi deńgeıdegi oqytýǵa jergilikti dárigerlerdi tartyńdar. Medıtsnalyq mekeme basshylary óziniń qaramaǵandaǵy mamandardyń biliktiliginen kem túsip jatpaýy úshin oqý kýrstaryna barýlary tıis», - dedi óńir ákimi.
