Danıal Ahmetov oblystyń birqatar aýdandaryndaǵy jol qurylysynyń sapasyn synǵa aldy
ÓSKEMEN. QazAqparat - Zyrıan aýdanyna jumys sapary barysynda Shyǵys Qazaqstan oblysynyń ákimi Danıal Ahmetov Zyrıansk men Serebrıansk qalalarynyń ákimshilik ortalyǵynyń joldaryn jóndeý jumystaryn synǵa aldy, dep habarlaıdy «QazAqparat» HAA Aqparttyq ortalyqqa silteme jasap.
Osyǵan deıin habarlanǵanyndaı, bıylǵy jyly Zyrıanov aýdanynyń joldaryn jóndeýge oblys bıýdjetinen 613 mln teńge bólingen bolatyn. Jol sapasyn tekserý kezinde Danıal Ahmetov Serebrıansk qalasyndaǵy jóndeý jumystarynyń barysyn synǵa aldy.
«Birinshi kezekte jóndeý jumystaryn adamdar eń kóp júretin aımaqtarǵa jasaý kerek edi jáne bul baǵyttaǵy jumystardy jyldyń alǵashqy jartysynda aıaqtaý qajet bolatyn. Jóndeý jumystaryn jedeldetý qajet, kelesi jyldyń 1-shi maýsymyna deıin jumystar tolyq aıaqtalyp bitýi kerek»,-dedi ShQO ákimi.
Buǵan qosa, ákim jergilikti depýtattarǵa Zyrıanovsk qalasyndaǵy joldar men keıbir úılerdiń aýlalaryn abattandyrý jumystary talapqa saı emestigin aıtty.
«Joldar men shaǵyn aýdandardy jáne kóshelerdi abattandyrýmen depýtattar aınalysýlary kerek. Halyq Sizderdi tańdady, alaıda bul Sizder qalaı bolsa solaı áreket ete berýlerińizge bolady degendi bildirmeıdi. Shaǵyn aýdandardy tártipke keltirip, turǵyn úı-kommýnaldyq sharýashylyq salasynyń jumysyn jiti qadaǵalańyzdar»,-dedi oblys ákimi.
