Danıal Ahmetov depýtattardy belsendi bolýǵa shaqyrdy
SEMEI. QazAqparat - Semeıge saparmen kelgen ShQO əkimi Danıal Ahmetov qalalyq məslıhat depýtattaryn synǵa aldy, dep habarlaıdy QazAqparat.
Baspanalaryn sý alǵan turǵyndar úılerin tazalaý isine asyǵar emes. Oǵan sebep baǵalaýshylar kelmeı eshnársege tıispeý kerek degen alyp-qashpa sóz. Ras-ótirigin suraǵan turǵyndarǵa oblys əkimi komıssııanyń shyǵyndy baǵalaýǵa onyń esh qatysy joq ekenin aıtty.
«Úıdi tazalaýdy bastańdar. Komıssııa kelmeı úıge kirmeý kerek degen bos sózdi qoıý kerek. Ýáde beremiz, úıdi jóndeımiz. Kelgen shyǵyndy tolyq óteımiz. Búginnen bastap komıssııa úıdi-úıdi aralap júr. Olarǵa zardap tıgen barlyq dúnıe-múlik tizimin, basqa da shyǵyndardy jetkizý kereksizder. Men birer kúnde qalaǵa taǵy da kelemin», - dedi oblys əkimi.
Osylaı ár turǵynnyń ótinishine qulaq asqan J.Ahmetov ákimdik aldynda galstýk taǵyp ózin kútip turǵan depýtattarǵa belsendi bolý kerektigin aıtty.
Al aımaq basshysymen birge turǵyndardyń jaǵdaıymen tanysqan tek bir depýtat Əsemhan Dosqujanov boldy. Ol mindetine Sátbaev kóshesindegi terezeleri synǵan úılerdi qalpyna keltirý, oǵan qosa, sý alǵan úılerge jóndeý júrgizý isin aldy. «Halyq qalaýlylary birinshi kezekte halyqpen birge bolýlary kerek» - degen Danıal Ahmetov Semeı ákimi Ermak Salımovqa qoǵammen birge etene jumys isteýdi tapsyrdy.
