Danıal Ahmetov bastaǵan komıssııa músheleri Maıqapshaǵaı keden beketine bardy
ÓSKEMEN. QazAqparat - Búgin oblys ákimi Danıal Ahmetov jetekshilik etetin komıssııa Zaısan aýdanynda eki topqa bólinip jumys júrgizdi, dep habarlaıdy QazAqparat Shyǵys Qazaqstan oblysynyń aqparat ortalyǵyna silteme jasap.
Búgin oblys ákimi jetekshilik etetin komıssııa eki topqa bólinip jumys júrgizdi. Danıal Ahmetov bastaǵan bir top Maıqapshaǵaı keden beketine baryp, Qytaımen aradaǵy shekaranyń jabyq ekenine kóz jetkizdi.
Al komıssııanyń ekinshi toby jol qurylysymen aınalysatyn qytaılyq kompanııanyń 8, 10-ýchaskesinde boldy. Mundaǵy qytaı jumysshylarynyń vızalaryn tekserdi. Olardyń barlyǵy da Qazaqstan aýmaǵyna byltyr, ıaǵnı koronavırýs shyqpaı turǵan kezde kirgenderi belgili boldy.
Sonymen qatar, oblys ákimi Zaısandaǵy Á.Moldaǵulova kóshesiniń turǵyndarymen kezdesip, úılerge gaz tartý máselesin qarastyrdy. Halyqtyń máselesine qulaq asqan óńir basshysy kóshege gaz qubyryn tartýǵa bıýdjetten 100 mln teńge qarajat qarastyrýdy tapsyrdy.
Esǵke sala keteıik, buǵan deıin oblys ákimdigi Zaısan aýdanyndaǵy aýrýhanalarǵa koronavırýs juqtyrǵan Qytaı azamattary jatqyzylady degen aqparattyń jalǵan ekenin málimdegen edi.
«Qytaımen eki aradaǵy shekara jabyldy. Al sol elden kelgen bizdiń 5 azamatymyz oqshaýlanyp, karantınge jatqyzylady», - dedi Danıal Ahmetov.
Densaýlyq saqtaý mınıstri Eljan Birtanov ta Zaısandaǵy jaǵdaıǵa qatysty pikir bildirdi.
