Danıal Ahmetov: Barlyq mektepte IT-synyptar ashqan jalǵyz óńirmiz
SEMEI. QazAqparat – Shyǵys Qazaqstan oblysynyń ákimi Danıal Ahmetov Semeı qalasynyń turǵyndarymen kezdesip, bilim men turmys sapasyn arttyrýdyń mańyzdylyǵyn atap ótti. Bul týraly QazAqparat Semeı qalasynyń aqparattyq ortalyǵyna silteme jasap habarlaıdy.
«Ómir sapasy degenimiz ne? Ol degenimiz asfalt tóselgen kóshemen júrý, balalardyń jaqsy mektepterde bilim alýy. Oblystaǵy barlyq mektepterde IT-baǵdarlamalaý synyptaryn ashqan elimizdegi alǵashqy óńirmiz. Bul úlken nátıje berip jatyr. Biz ulttyń básekege qabilettiligin aıtqan kezde, básekege qabiletti ult – bizdiń balalarymyz ekenin túsinýimiz kerek», - dedi Danıal Ahmetov.
Óńir basshysy habarlaǵandaı, kelesi jyldan bastap IT-baǵdarlamalaý synyptarynyń barlyq muǵalimderi álemdik talaptarǵa saı bilim alady. Demek, oqýshylar da London men AQSh-taǵydan kem bilim almaıdy.
«Elimizde 11 oqýshyǵa bir kompıýterden keledi, al bizde – altaýdan. ShQO-da IT-baǵdarlamalaý synyptarynyń 70% ashylǵan. Biz ári qaraı damyp, kelesi jyly oqytýshylardyń daıyndyǵyn halyqaralyq standartqa shyǵarýymyz kerek», - dep túıindedi Ahmetov.
