Danıal Ahmetov: Barlyq balalar TOKAMAK tájirıbesimen tanysýy kerek
«Rýhanı jańǵyrý» baǵdarlamasy aıasynda eldegi bolashaq ǵalymdar men daryndy balalar qazaqstandyq metrıaltaný Tokamagymen (QTM) tanysa alady.
Bul týraly búgin «Nur Otan» partııasy fılıalynyń Saıası bıýro otyrysynda aıtyldy. Kún tártibine sáıkes «Rýhanı jańǵyrý» baǵdarlamasynyń júzege asý barysy týraly Kýrchatov qalasy men Zaısan jáne Ulan aýdandarynyń ákimderi baıandama jasady. Atalǵan barlyq aımaqta buqarany rýhanı jańǵyrtý baǵytynda qyrýar is atqarylyp, mejege alynǵan mindetter legi jeterlik. Máselen, Ulan aýdanynyń ákimi jazda 1719 bala Shymkent - Saıram - Túrkistan - Tarazda, sondaı-aq, Katonqaraǵaı Ulttyq parkinde bolyp, eldegi kıeli jerlerdi aralamaq. Budan bólek Astanaǵa aparý jospary bar. Al Kýrchatov qalasy «Jas fızık-2018» jazǵy mektebin uıymdastyryp otyr. Alaıda fılıal tóraǵasy - oblys ákimi Danıal Ahmetov qolda «gaýhar tas» - Tokamak (QTM) pen Ulttyq ıadrolyq ortalyq turǵanda Kýrchatov jobalar sheńberin keńeıtý qajettigin nyqtady.
- Álemde bar-joǵy eki Tokamak bar. Onyń bireýi qaıda? Kýrchatovta. 4 ıadrolyq reaktor men polıgon bar. Olaı bolsa, ShQO men búkil Qazaqstannyń balalary Tokamaktyń ne ekenin bilýi úshin ne isteýimiz qajettigin qarastyraıyq. Olar Keńes odaǵynan qalǵan muranyń qatygezdik qarýy ekenin jáne ony beıbitshilik jolda qoldaný, ıadrolyq polıgondy jabý týraly Elbasy Nursultan Nazarbaev qabyldaǵan tarıhı sheshimniń mańyzdylyǵyn uǵynsyn. Osy rette arnaıy baǵdarlama daıyndaýdy tapsyramyn. Búkil Qazaqstannyń balalary kelip, Tokamak tájirıbesimen tanysýy qajet. ıAdrolyq ortalyqqa, polıgon ótken aımaqqa ekskýrsııaǵa baryp, búgingi kelisimder týraly aqparatpen qamtylsyn, - dedi Danıal Ahmetov.
2014 jyly oblystyq bıýdjet esebinen A sektorynda, ıaǵnı, burynǵy ıadrolyq qarý qoımasynda jańartý jumystary júrgizilgen. Búginde nysan týrısterdi qabyldaýǵa ashyq. Aıta ketý kerek, qazaqstandyq materıaltaný Tokamagy (QTM) elde ǵylym men tehnologııany damytý jáne ǵylymı-ınjenerlik salalarda joǵary bilikti kadrlaryn daıyndaý maqsatynda QR Prezıdenti Nursultan Nazarbaevtyń sheshimimen qurylǵan.
