Danıal Ahmetov azyq-túliktiń qymbattaýyna jol bergen aýdan ákimin synǵa aldy

ÓSKEMEN. QazAqparat – Shyǵys Qazaqstan oblysynyń basshysy Danıal Ahmetov azyq-túlik baǵasynyń qymbattaýyna jol bergen Shemonaıha aýdanynyń ákimin synǵa aldy, dep habarlaıdy QazAqparat.

«Qazirde óńirimizde azyq-túlik taýarlarynyń baǵasy birshama qymbattaǵany ras. Ákimdik 19 túrli taýardyń baǵasyn qadaǵalaýǵa quqyly. Osy oraıda tıisti sharalar atqarylýda. Alaıda Shemonaıha aýdanynda keı azyq-túliktiń quny Óskemen men Semeı qalalaryna qaraǵanda joǵary ekeni anyqtalǵan. Buǵan tikeleı aýdan ákimi jaýapty. Búginde osy olqylyqtyń orny toltyrylǵan», - dedi aımaq basshysy turǵyndar aldyndaǵy esep berý kezdesýinde.

Onyń aıtýynsha, jemis-jıdek pen kókónistiń baǵasy turǵyndardyń qaltasyna salmaq túsirmes úshin turaqtandyrý qorlary jumys isteýde. Bıylǵy qysqa 6000 tonnaǵa jýyq kartop, sábiz, pııaz jáne qyryqqabat satyp alynǵan.

Sondaı-aq apta saıyn aýyl sharýashylyǵy jármeńkeleri uıymdastyrylyp turady.