Danıal Ahmetov: Aýyldaǵy bilim sapasy qaladan joǵary
ÓSKEMEN. QazAqparat - Oblys ákimi Danıal Ahmetov qala mektepterindegi bilim sapasyn synǵa aldy, dep habarlaıdy QazAqparat tilshisi.
«Men Kókpekti jáne Aıagóz aýdandarynyń muǵalimderine búkil oblys halqynyń atynan alǵys aıtqym keledi. Bul eki aýdan UBT nátıjesi boıynsha qala mektepterinen joǵary kórsetkish kórsetip otyr» - dedi Danıal Ahmetov.
Onyń aıtýynsha, aýyl mektepterinde bilim berý isi qala mektepterine qaraǵanda tıimdi uıymdastyrylýda.
«20 aýyl mektebi UBT nátıjesi boıynsha 100 baldan joǵary kórsetkish kórsetti. Ondaı mejeni baǵyndyrǵan qala mektepteriniń sany 9 ǵana. Óskemende bul deńgeıge 3 mektep qana qol jetkizgen. Al Semeıde bir de bir mekteptiń ortasha kórsetkishi 100 baldan aspaǵan. Bul aýyl mektepterinde bilim berý tıimdi uıymdastyrylyp otyrǵanyn kórsetedi»- dedi ol.
