Danıal Ahmetov Altay Athletics klýbyna bólinetin 420 mln teńgeniń qalaı jumsalyp jatqanyn aıtty

ASTANA. QazAqparat - QR Jeńil atletıka federatsııasynyń prezıdenti Danıal Ahmetov bazasy Shyǵys Qazaqstan oblysynda ornalasqan Altay Athletics klýbyna jyl saıyn bólinetin 420 mln teńgeden astam qarajattyń qalaı ıgeriletinin aıtty, dep habarlaıdy QazAqparat tilshisi.

«Klýbqa bizdiń 5 bapkerimiz ben 41 atletimiz kiredi. Olar bizden tabys alady. Bizdiń qurama komandamyz da sol jerden qarjy alady. Nege deseńiz, erteń olar qalaı ómir súredi? Sol sebepti biz sondaı kómekti kórsetip júrmiz», - dedi federatsııa basshysy.

Sondaı-aq, ol bul aqshaǵa shetelden keletin bilikti mamandarǵa aqy tólenetinin aıtty.

«Sodan keıin Altay Athletics klýby basqa shet memleketten bapkerler shaqyrady. Sodan keıin medıtsına salasynda biz úlken jumys istep jatyrmyz. Olar da bizdiń atletterge úlken keńes berip júr.

ıAǵnı, klýbtyń jyldyq bıýdjeti – 400-420 mln teńge. Naqty bıylǵysy – 420 mln teńge», - dedi Danıal Ahmetov.

Foto: qazathletics.kz