Danıal Ahmetov: Abaı – ult maqtanyshy, parasat bıigine kóterilgen tulǵa
NUR-SULTAN. QazAqparat – Shyǵys Qazaqstan oblysynda uly Abaıdyń eskertkishine gúl qoıyldy, dep habarlaıdy QazAqparat oblys ákiminiń Instagram paraqshasyna silteme jasap.
«Búgin ǵulama, oıshyl, aqyn, aǵartýshy, aýdarmashy, kompozıtor retinde el tarıhynda óshpes iz qaldyrǵan Abaı Qunanbaıulynyń dúnıege kelgen kúni. Osyǵan oraı, uly aqynnyń eskertkishine gúl shoqtaryn qoıdyq.
Byltyr QR Prezıdenti Qasym-Jomart Toqaevtyń tapsyrmasy boıynsha Úkimet 10-tamyzdy «Abaı kúni» dep belgilep, merekeler tizimine engizdi. Ózderińiz jaqsy bilesizder, ótken jyly Qazaqstannyń bastamasymen, ıÝNESKO-nyń qoldaýymen uly aqynymyzdyń 175 jyldyq mereıtoıy jahandyq deńgeıde atalyp ótti. Elimizde de aýqymdy is-sharalar uıymdastyrylyp, qazaqtyń bas aqynynyń rýhyn asqaqtatar ıgi ister atqaryldy.
Abaı – ult maqtanyshy, parasat bıigine kóterilgen tulǵa! Ol jurtty bilim men ǵylymǵa, ónerge, adaldyqqa jeteledi, tolyq adam bolýǵa úndedi. Abaı murasy – bizdiń ult bolyp uıysýymyzǵa, el bolyp damýymyzǵa jol ashatyn qasterli qundylyq. Abaıdyń aıtqan aqylyn sanamyzǵa sińirsek, turmysymyzda kádege jaratsaq, adaspaıtynymyz aqıqat. Túptep kelgende halqy saýatty hám mádenıetti, bilim men ónerge baı, órge umtylǵan eńseli el bolamyz»,-dedi oblys ákimi.
Sondaı-aq ol qalyń kópshilikti «Abaı kúni» merekesimen quttyqtaı otyryp, otbasylaryna amandyq, baq-bereke tiledi.
