Danelııa Týleshova qazaq tilinde jańa «Mama» ánin shyrqady
ALMATY. QazAqparat - Qazaqstandyq ánshi Danelııa Týleshova qazaq tilinde «Mama» atty jańa án oryndady. Bul týraly ol Instagram paraqshasynda jazdy, dep habarlaıdy QazAqparat tilshisi.
«Dostar, meniń kópten kútken «Mama» atty ánim shyqty. Biz uzaq ýaqyt jumys istedik, birneshe ret qaıta óńdedik, kóńilimizden shyqpaǵan jerlerin durystadyq. Mine, endi jańa ánimiz daıyn boldy. Bul meniń anamdy qanshalyqty jaqsy kóretinim týraly jáne jer betindegi barlyq analarǵa arnaǵan ánim, óıtkeni árbir adamnyń bir ǵana anasy bar jáne onymen ótkizgen árbir sátti baǵalaý qajet!», - dep jazdy Danelııa.
Ol sondaı-aq, ánshi osy shyǵarmanyń shyǵýyna kómektesken jandarǵa alǵysyn bildirdi.
«Men mýzyka áleminiń sheberi, ánniń avtory, keremet jan Luqpan Joldasovqa, ánniń sózin jazǵan Kamılla Daırovaǵa alǵysymdy bildirgim keledi. Aıtpaqshy, Kamılla «Eurovision Junior » baıqaýynda men shyrqaǵan shyǵarmanyń avtory, sonymen qatar Erlan Bekchýrınge ándi óndegeni úshin rahmet aıtamyn. Vova Kotkovqa myń alǵys. Men úshin eshteńeden aıanyp qalmaıtyn Natashaǵa da rızamyn », - dep atap ótken ánshi.
