Danelııa Týleshova «Eurovision-2018» baıqaýyna qatysý-qatyspaýy beımálim
ALMATY. QazAqparat - Danelııa Týleshovanyń 2018 jylǵy balalar "Eurovision-2018" baıqaýyna qatysýy ekitalaı bolyp tur. Baıqaýǵa ənshi alyp shyǵatyn ən joq, dep habarlaıdy QazAqparat tilshisi.
Búgin birqatar BAQ Danelııa Týleshova 2018 jylǵy balalar "Eurovision-2018" baıqaýyna qatysatynyn habarlaǵan bolatyn.
Jas ənshiniń baspasóz hatshysy Tatıana Sınenko aıtýynsha, bul másele əli sheshilmegen.
«Ókinishke oraı, bizge qatysý týraly ótinish túsken joq əri bizde oǵan laıyqty materıal joq. Bul jaǵdaıda baıqaý týraly əńgime aıtý əli erte.
Danelııanyń ózi bul máselege eshqandaı túsinikteme bermeıdi. Múmkin qatysatyn da bolamyz. Biraq ekitalaı bolyp tur. Biz ózimiz Qazaqstannyń bıyl qatysatynyn taıaýda ǵana bildik. "Eurovision-2018" - Qazaqstan úshin úlken baıqaý», - dedi Tatıana Sınenko.
Sonymen qatar baspasóz hatshysy aıtqandaı, baıqaý úlken daıyndyqty talap etedi.
Qazaqstan bıyl belgili baıqaýǵa birinshi ret qatyspaq. Sebebi, bıyl «Habar» arnasy Eýropa Habar taratý odaǵynyń múshesi bolyp otyr (EBU).
Qazir agenttik QR Aqparat jáne kommýnıkatsııalar mınıstrligimen birge balalar "Eurovision-2018" baıqaýyna irikteý sharasynyń birneshe nusqasyn qarastyryp jatyr.
