Danelııa Tóleshovanyń ustazynan dáris alam deýshilerdiń sany kóbeıdi
ALMATY. QazAqparat - Jeztańdaı ánshi Danelııa Tóleshovanyń ustazy «Golos.Ditı» shoýynan soń qalaı tanymal bolǵany týraly QazAqparat tilshisine aıtyp berdi
Dúbirli dodadan soń odan tálim alsam deýshiler kóbeıgen.
«Stýdııamyzdyń ashylǵanyna 11 jyl boldy. Osy ýaqyt aralyǵynda balalardyń armanyn oryndaýǵa atsalysyp kelemiz. Qazaqstanda birneshe joba boıynsha bas júldelerdi qorjynymyzǵa baılaǵanbyz. Biraq ótken jyldaǵy jeńisimiz erekshe der edim. Danelııanyń jeńisinen soń kelip jatqan qońyraýlarda esep joq.
Qosymsha eki vokal klasyn ashýǵa týra keldi. Bul jeńis kóp adamǵa shabyt bergeni qýantady. Danelııanyń ónerinen soń qıyn ánderge qadam bassam degen oqýshylarym kóp», - dedi Natalııa Chýrakova.
11 jastaǵy Danelııa Tóleshova «Golos. Ditı» shoýynyń jeńimpazy atanǵaly beri ortalyqtyń maqtanyshyna aınalǵan.
«Danelııa Tóleshova - erekshe daryn ıesi. Aıtqanyńdy lezde qaǵyp alady. Burynǵy aýdıolardy tyńdap otyryp óziniń qandaı dárejege kóterilgenin bilip otyr. Men úshin balalardyń kásibı turǵydan óskeni óte mańyzdy», - dedi Natalııa.
11 jyldan beri ortalyqtan júzdegen ánshi shyqqan.
Olardyń ishinde tanymaldary - Sanda Sadýaqasova, jaqynda ǵana Qazaqstandyq shoý «Golos. Detı Kazahstana» jeńimpazy atanǵan 10 jastaǵy Danııl ıÝn, «Golos. Detı Kazahstana» baıqaýynyń byltyrǵy jeńimpazy Rashıda Ýzyhanova, Vanessa Bezrodnaıa, «Hochý k Meladze» shoýynyń fınalısti Farız Mamedov.
