Danelııa Tóleshova jańa beınebaıanyn jarııalady
NUR-SULTAN. QazAqparat - Qazaqstandyq jas ánshi Danelııa Tóleshovanyń jańa klıpi kórermenge jol tartty, dep habarlaıdy QazAqparat.
Bul týraly ánshi óziniń Instagram paraqshasynda jazdy.
«Tańǵalarlyq ánshi Ember Reılıdiń #Colourblind atty ánine kaver jazyp, tyńdarmanǵa usynǵanym úshin qýanyshtymyn», - dep jazdy Danelııa Tóleshova óz paraqshasynda.
Bir táýlikte vıdeo 20 myńǵa jýyq qaralym jınaǵan.
Aıta keteıik, buǵan deıin Danelııa Tóleshova «Kanıkýly off-line» fılmine arnalǵan jańa ánine beınebaıan túsirgen bolatyn. Talantty oryndaýshynyń barlyq klıpterin Danelııanyń YouTube-arnasynan tamashalaýǵa bolady.
