Danelııa Tóleshova The World's Best týraly: Dımashtyń izgi áreketine tańǵaldym

ASTANA. QazAqparat - Qazaqstan ánshisi Danelııa Tóleshova Amerıkanyń jas talanttarǵa arnalǵan The World's Best shoýynyń jartylaı fınalyna ótpeı qalýyna qatysty pikir bildirdi, dep habarlaıdy QazAqparat.

«Men úshin bul - shoý, ómirindegi kezekti bir kezeń. Kóp nárseni úırenip, biraz nárseni túsindim. Tamasha adam ári pıanısshini (Lıdıana Nadhasvarama - avt.) shyn júrekten quttyqtaımyn», - dep jazdy Danelııa Tóleshova shoýdyń jartylaı fınalda óner kórsetkennen keıin Instagramdaǵy paraqshasynda.

Sonymen qatar, jas ánshi otandasy Dımash Qudaıbergenniń «jas balalarmen jarysýdan» bas tartyp, óz erkimen shoýdan ketken izgi áreketine tánti bolǵanyn da jasyrmady.

«Dımashtyń izgi áreketine tańǵaldym. Búkil álem onyń naǵyz er-azamatqa laıyqty shynaıy áreketine laıyqty baǵa beredi dep oılaımyn. Biz ártistiń ómirindegi eń bastysy shyǵarmashylyq ekendigin dáleldedik. Sahnaǵa jáne ánińdi aıtyp beretin adamdarǵa degen mahabbatpen eshteńe de salystyrýǵa kelmeıdi. Shyndyǵynda da bul osylaı. Sizdiń Kremldegi kontsertińizdegi kezdesýimizdi taǵatsyzdana kútemin», - deıdi Danelııa Tóleshova Dımashqa arnaǵan jazbasynda.