Danelııa Tóleshova obyrdy jeńgen balalarmen birge spektaklde oınady
ALMATY. QazAqparat - «Shyǵarmashylyqtyń qanatynda» atty onkologııalyq aýrýlarǵa shaldyqqan balalarǵa arnalǵan art-terapııalyq joba aıasynda Almatyda mýzykalyq spektakl qoıyldy, dep habarlaıdy QazAqparat tilshisi.
«Mýzyka baǵytynda» atty tusaýkeser qoıylymnyń basty ereksheligi -rólderdi oınap shyqqan jas akterlarda. Olardyń árqaısysy kúrdeli joldan ótip, onkologııalyq syrqatty jeńgen. Balalardyń keıbiri áli de emdelý protsesinde.
Qoıylymda basty rólderdiń birin esimi álemge tanylyp úlgergen qazaqstandyq jas ánshi Danelııa Tóleshova oınady. Ol áýezdi daýysymen syrqattardy emdeıtin keıipkerdiń rólin somdady.
«Bizdiń birlestikti 2013 jyly dárigerler qurǵan bolatyn. Oqytý jáne zertteý jobalarymen qatar, áleýmettik bastamalarmen de aınalysamyz. Osy mamandyq boıynsha jumys atqaryp júrip, onkologııalyq aýrýlarmen kúres rýhanı beriktikti, moraldyq qýatty jáne qoldaýdy, otbasylyq birlikti qajet etetinin bilemiz», - deıdi «Ǵylymı-medıtsınalyq qoǵam» QB tóraǵasy, «Shyǵarmashylyq qanatynda» jobasynyń avtory Súrııa Esentaeva.
«Shyǵarmashylyq qanatynda» jobasy 2017 jyldan beri iske asyrylyp keledi. Onyń aıasynda Pedıatrııa jáne balalar hırýrgııasy ulttyq ortalyǵynyń patsıentteri akterlik sheberlik pen teatr ónerine qyzyǵa bastaǵan.
2019 jyly «Mýzyka baǵytynda» atty mýzykalyq hıkaıany kompozıtor ıÝlııa Lebedeva jazyp shyqqan. Qoıylymdaǵy barlyq rólderdi onkogematologııalyq jáne kúrdeli aýrýlarǵa shaldyqqan balalar somdaıdy.
«Balalardy ońaltý jáne áleýmetke beıimdeýdiń ártúrli sıpaty bar. Ol balalardyń bári de qıyn joldy basyp ótken. Áleýmetke beıimdeý jumysy turaqty túrde júrgizilip turýy kerek. Qazirgi ýaqytta «Shyǵarmashylyq qanatynda» atty jańa art-terapııalyq stýdııany ashyp qoıdyq. Ol jerde balalar akterlik sheberlikti úırenedi. Art-terapııa boıynsha bizdiń jobany tolyqqandy iske asyrý úshin Art-terapııa ortalyǵyn ashý kerek. Ol jerde árbir bala jáne onyń ata-analary, onkologııalyq aýrýy bar balalar ózine jaqyn shyǵarmashylyq baǵytty tańdaı alady», - deıdi jobanyń kórkemdik jetekshisi Núrııa Qujamuratova.
Almatyda onkologııalyq jáne gematologııalyq syrqattarmen aýyrǵan balalardyń qaıyrymdylyq mýzykalyq spektakli ótetini týraly buǵan deıin habarlaǵan bolatynbyz.
