Danelııa Tóleshova Mınskige keldi

ASTANA. QazAqparat - Danelııa Tóleshova 25 qarashada Junior Eurovision-2018 án baıqaýynda elimizdiń namysyn qorǵaıdy. Al qazir daıyndyqtyń sońǵy kezeńi júrip jatyr, dep habarlaıdy 24.kz.

Jas ónerpaz qobaljýǵa boı bermes úshin kún saıyn daıyndalyp jatqanyn aıtady.

Esterińizge sala keteıik, bul baıqaý birneshe kúnnen keıin «Mınsk-Arenada» ótedi. Al erteń jarystyń resmı ashylýy bolady.

 «Búgin daıyndyq bazasyna baramyz. Qobaljý sezimin jeńý úshin saıysqa bastalǵanǵa deıin daıyndalamyn. Oıdaǵydaı óner kórsetýim úshin  saqadaı saı bolýym qajet. Qyzý daıyndyq arqasynda joǵary nátıjege qol jetkizemin dep oılaımyn»,-deıdi Junior Eurovision-2018 baıqaýyna qatysýshy Danelııa Tóleshova.

Aıta ketken jón osy sanat boıynsha  baıqaý bıletteri 10 ese qymbatqa satylyp jatyr.