Danelııa Tóleshova «Golos.Ditı» shoýynyń sýperfınalyna qonaq retinde shaqyrtý aldy
ALMATY. QazAqparat- 7 shilde kúni Qazaqstandyq tanymal ánshi Danelııa Tóleshova Ýkraınanyń «Golos.Ditı» vokaldyq shoýynyń sýperfınalynda arnaıy qonaq retinde sahnaǵa shyǵady, dep habarlaıdy QazAqparat tilshisi.
«Men Kıevkke baratyn kúndi taǵatsyzdana kútip júrmin. Sebebi, meniń eń qýanyshty ári jarqyn estelikterim «Golos. Ditı» baıqaýymen baılanysty. Jobadaǵy dostarymen, tálimgerim Dıma MONATIK jáne barlyq ýkraınalyq jankúıerlerimmen kezdeskim keledi. Meniń olarǵa degen alǵysym sheksiz. Sebebi, olar áli kúnge deıin menimen birge. Ómirimdi baqylap, ónerimdi baǵalap otyrady. Bul joba talantty jastardy shabyttandyrady. Shynaılyqqa toly shoýdyń meımany bolý men úshin úlken qurmet!»,-deıdi ánshi óziniń aldaǵy sapary týraly.
Ýkraınaǵa Danelııanyń ustazy Natalııa Chýrakova da barady. Ol «Golos.Ditı» baıqaýynyń osy maýsymyna da balalardy daıyndady.
«Men oılamaǵan jerden konkýrsqa qatysatyn balalardyń daýsyn tyńdaıtyn pedagogtar tizimine kirdim. Biz komanda bolyp ár úmitkermen jeke-jeke jumys istedik. Olarǵa aqyl-keńes berip, barynsha daıyndadyq. Bul jaǵynan tájirbıem mol. Sebebi, ol shoýdyń qyr-syryn jaqsy meńgerdik. Qatysýshylarǵa nege kóńil aýdarý kerektigin aıttyq. Qazaqstandyq talantty balalar aldaǵy baıqaýda ýkraınalyq qazylardy tańqaldyrýy tıis» deıdi jas daryn.
Sondaı-aq, Danelııa Tóleshova jaqynda «Jas túlek-2019» mektep festıvalinde túlekterdi quttyqtady. Ánshi birneshe qaıyrymdylyq sharalarǵa da atsalysty. Bostonda ótken Cue Ball konferentsııasyna qatysty.
Esterińizge salaıyq, Almatylyq Danelııa Týleshova 2017 jyly Ýkrınada ótken «Golos.Ditı» shoýynda jeńimpaz atanǵan.
