Danelııa Tóleshova «Golos. Ditı» fınalynda 3 án oryndaıdy
ALMATY. QazAqparat - Qazaqstandyq jas ánshi Danelııa Tóleshova «Golos. Ditı» ýkraına shoýynda 3 kompozıtsııa oryndaıdy. Bul týraly «QazAqparat» agenttigine ánshiniń prodıýseri men vokal boıynsha tálimgermi aıtty.
10 jastaǵy qazaqstandyq qyzben birge fınalǵa 5 qatysýshy shyqty.
Baıqaý boıynsha olardyń árqaısysy hıt, tálimgerimen dýet, fınaldyq án oryndaýy tıis.
«Fınalǵa ár komandadan 2 myqty ánshiden ótti. Bizdiń mindetimiz odan ári aýyrlaı tústi. Kıevte júrgenimizge 2 apta boldy. Bizge oryndaıtyn ándi búgin beredi. Aqtyq fınalǵa ótken jaǵdaıda oryndaıtyn ándi de saılap qoıýymyz kerek. Shetelden kelgen qatysýshy bolǵandyqtan, Danelııaǵa júktelgen mindet kóp. Ońaı bolmasy anyq», - dedi Natalıa Chýrakova.
Danelııanyń ekinshi týrdaǵy óneri de kórermenderdi beı-jaı qaldyrmady.
«Jartylaı fınalda bar jaýapkershiligimizdi salyp daıyndaldyq. Alǵashqy kórsetken qarqynymyzdan taımaýǵa tyrysamyz. Sol úshin Andra Deıdiń «Rise up» ánin tańdadyq», - dedi prodıýser.
Danelııa án aıtyp jatqan kezde onyń baıqaýdaǵy tálimgeri, ýkraınalyq ánshi Dmıtrıı Monatık - MONATIK kóz jasyna erik berdi.
«MONATIK balalardy óte qatty jaqsy kóredi. Sondyqtan, balalarmen jumys jasaǵanda ol únemi muqııat. Danelııany ol «ǵaryshtan kelgen qyz» dep ataıdy», - dedi Natalıa Chýrakova.
Baıqaýdyń fınaly 17 jeltoqsanda ótedi.
Aıta ketý kerek, ýkraınalyq «Golos. Ditı» shoýynda qazaqstandyq qyz 10 jastaǵy Danelııa Tóleshova jartylaı fınalda joǵary óner kórsetip, fınalǵa ótken bolatyn.
