Danelııa Tóleshova Balalar Eýrovıdenıesiniń basty daıyndyq sharasyna qatysty
ASTANA. QazAqparat - Balalar Eýrovıdenıesiniń basty daıyndyq sharasy «Mınsk-Arenada» saǵat 12-00-de bastaldy. Alǵash ret sahanaǵa barlyq 20 baıqaýǵa qatysýshy shyqty, dep habarlady BELTA agenttigi.
Buǵan deıin birneshe kún boıy baıqaýǵa qatysýshylardyń jeke daıyndyq sharasy ótken bolatyn. Al búgingi sharaǵa osyǵan deıin jeke daıyndyq ótkizip kelgen júrgizýshi de qatyspaq.
Keshke qaraı taǵy bir basty daıyndyq shara kórermenniń qatysýymen ótedi. Dál osy ýaqytta baıqaýǵa qatysýshylardyń ónerine kásibı tóreshiler baǵa beretin bolady. Al olardyń bergen baǵasy 25 qarasha kúni ótetin aqtyq shoý barysynda jarııa etiledi.
Balalar «Eýrovıdenıesi-2018» baıqaýyna qatysýshylardyń sany bul joly rekordtyq kórsetkishke jetti. Osy ýaqytqa deıin bul baıqaýda 20 qatysýshy baq synaǵan emes.
Buǵan deıin qazaqstandyq jas ánshi Danelııa Tóleshovanyń ánine qoıylymdy belgili reseılik rejısser Alekseı Golýbev jasap jatqanyn, «Mınsk Arenadaǵy» balalar Eýrovıdenıesiniń fınalyna ekinshi repetıtsııasyn tamashalaǵan eýropalyq BAQ ókilderi Danelııanyń ónerine tańdanysyn jasyra almaǵandyǵyn habaralǵan edik.
