Danelııa Tóleshova Almatyda alǵashqy jeke kontsertin ótkizedi
ALMATY. QazAqparat - Ýkraınalyq «Golos.Ditı» shoýynyń jeńimpazy, Qazaqstandyq jas ánshi Danelııa Tóleshova alǵashqy kontsertin ashyq aspan astynda ótkizedi, dep habarlaıdy QazAqparat tilshisi.
Bul keshte Danelııa 10-ǵa jýyq án oryndaıdy. Onyń ishinde «Golos.Ditı» jobasynan jáne avtorlyq ánder jáne kaverler bar. Jas ánshi alǵashqy kontsertin týǵan qalasynda ótkizýdi qalaǵan eken.
«Bul jerde meniń otbasym, týǵandarym, dostarym bar. Birinshi qadamymdy týǵan qalama jáne jaqyndaryma arnaımyn. Bul - anam ekeýimizdiń ıdeıamyz. Aldyn ala kontserttiń qalaı ótetinin elestetip, baǵdarlamany jasadyq. Daıyndalyp júrgenimizge uzaq ýaqyt boldy», - dedi Danelııa Tóleshova.
Jandy daýysta ótetin keshte halyqaralyq konkýrstar men jobalardyń fınalısteri, Danelııanyń ózi oqıtyn «ıÝNA» prodıýserlik ortalyǵynyń daryndy oqýshylary óner kórsetedi. Kesh jarty saǵat kólemine josparlanǵan. Keshti «Hochý k Meladze» jobasynyń fınalısi Farız Mamedov júrgizdi.
«Osy kesh arqyly jankúıerlerimmen kezdesýdiń múmkindigi týyp tur. Bul men úshin úlken jaýapkershilik, meni kútken kórermenniń kóńilinen shyǵýǵa tyrysamyn», - dedi Danelııa Tóleshova.
Kontsert 27 mamyr kúni saǵat 18.00-de «MEGA Alma-Ata» saýda, oıyn-saýyq ortalyǵynyń amfıteatrynda ótedi.
Araılym Joldasbaeva
