Dánekerleýshi ekskavator shómishiniń kómegimen úsh adamdy órtten alyp shyqty
NUR-SULTAN. QazAqparat - Reseıdiń ıAmal-Nenets avtonomııalyq okrýginiń Tazov aýdanyndaǵy Gyda eldi mekeninde dánekerleýshi eki áıel men bir balany ekskavator shómishiniń arqasynda órttiń ishinen aman alyp shyqty. Bul týraly óńir basshysy Dmıtrıı Artıýhov áleýmettik jelidegi paraqshasynda málim etti, dep habarlaıdy QazAqparat.
Oqys oqıǵa 29 mamyr kúni bolǵan. Óńirdiń Tótenshe jaǵdaılar mınıstrligi otqa oranǵan úıden alty adamnyń qutqarylǵanyn habarlady. Sonyń úsheýin qarapaıym jumysshy ekskavatordyń kómegimen qutqaryp alǵan.
«Gyda eldi mekeninde turatyn dánekerleýshi Igor Nıach úsh adamdy órtten qutqaryp aldy. Úıdiń órtenip jatqanyn kórip, ekskavatordyń shómishine shyǵyp, úıdiń ishine terezesin syndyryp kirip, eki ájeı men kishkentaı qyzdy alyp shyqty», - dep jazdy Artıýhov.
