Dándi daqyldardy saqtandyrý merzimi uzartyldy
NUR-SULTAN. QazAqparat - Agrarlyq nesıe korporatsııasy dándi daqyldar úshin topyraqta ylǵaldyń bolmaýynan saqtandyrý boıynsha ótinimderdi qabyldaý merzimi 2022 jyldyń 24 sáýirine deıin uzartylǵanyn habarlaıdy.
Bul týraly QazAqparat Agrarlyq nesıe koroporatsııasynyń baspasóz qyzmetine silteme jasap habarlaıdy.
Buǵan deıin astyqty saqtandyrý baǵdarlamasyn júzege asyrý bastalǵany týraly habarlanǵan bolatyn.
«Aýyl sharýashylyǵy taýaryn óndirýshilerdi saqtandyrý polısiniń qunyn tómendetý, agroónerkásiptik keshendegi saqtandyrý naryǵyna jańa qatysýshylardy tartý jáne ósimdik sharýashylyǵyndaǵy táýekelderdi azaıtý úshin memleket saqtandyrý syıaqylaryn sýbsıdııalaıdy. Mysaly, fermerler úshin saqtandyrý polısiniń quny sýbsıdııalaýdyń kómegimen 50%-ǵa tómendeıdi»,-delingen habarlamada.
Osyǵan deıin Qazaqstannyń bıdaı men un eksportyna shekteý qoıǵany habarlandy.
