Dándi daqyldar aýrýy keńinen taralsa astyq shyǵymy 10-15 paıyzǵa tómendeıdi - QR AShM

ASTANA. QazAqparat - Aýyl sharýashylyǵy taýarlaryn óndirýshilerdi qoldaý maqsatynda gerbıtsıdterdi satyp alý shyǵyndaryn azaıtý úshin onyń qunyn 50 paıyz kóleminde sýbsıdııalaý qarastyrylǵan. Bul týraly «QazAqparat» agenttigine QR AShM baspasóz qyzmetinen habarlady.

«Qazaqstanda dándi daqyldar kóptegen aýrýlarǵa shaldyǵady. Osy aýrýlar keńinen taralǵan jyldarda astyq shyǵymdylyǵy 10-15 paıyzǵa deıin, al hımııalyq óńdeý sharalary júrgizilmese, odan kóp tómendeýi múmkin», - deıdi mınıstrlik mamandary.

«Respýblıkalyq fıtosanıtarlyq dıagnostıka jáne boljamdar ádistemelik ortalyǵy» MM málimeti boıynsha 2016 jyly Qazaqstan aýmaǵynda dándi daqyldary aýrýlary 2 365,793 myń gektar jerge taralýy boljanyp otyr. Aǵymdaǵy jylǵy klımattyq jaǵdaı (jaýyn-shashyn) dándi daqyldary aýrýlarynyń taralýyna qolaıly bolyp tur. 2016 jylǵy 1 tamyzdaǵy jaǵdaı boıynsha dándi daqyldary aýrýlary boıynsha 2 157,3 myń gektar egistik óńdeldi. Onyń ishinde Aqmola oblysynda 743,8 myń gektar, Shyǵys Qazaqstan oblysynda 43,4 myń gektar, Qaraǵandy oblysynda 8,2 myń gektar, Qostanaı oblysynda 524,5 myń gektar, Soltústik Qazaqstan oblysynda 834,8 myń gektar aýmaq qamtyldy.