«Danas» taıfýny Taıvan aýyl sharýashylyǵyna 85 mln dollardan astam zalal keltirdi

ASTANA. KAZINFORM –  Apta basynda Taıvan aralyna soqqan «Danas» taıfýny eldiń aýyl sharýashylyǵyna 2,5 mlrd taıvan dollaryna (shamamen 85,5 mln AQSh dollary) jýyq zalal keltirdi, dep habarlaıdy TASS.

Araldyń aýyl sharýashylyǵy basqarmasynyń málimetinshe, aımaqtardan túsken aqparatty taldaý nátıjesinde ónimniń shyǵyny 1,76 mlrd taıvan dollar (60 mln dollar) bolǵan, al jeke sharýashylyqtarǵa kelgen shyǵyn 400 mln dollardan (13,6 mln AQSh dollary) asqan.

Zardap shekken aýyl sharýashylyǵy alqaptarynyń jalpy aýmaǵy – 18,2 myń gektar. Eń kóp shyǵyn banan, pomelo, apelsın jáne bambýk plantatsııalaryna kelgen.

«Danas» taıfýny Taıvannyń ońtústik-batys bóligin 6 shildeden 7 shildege qaraǵan túni soqty. Taıfýnmen birge jaýǵan nóser men sekýndyna 40 metrge jetken (ekpini 50 m/s) qatty jel saldarynan eki adam qaza taýyp, 334 turǵyn zardap shekti. Sol túni 388 myńnan astam úı jaryqsyz qaldy.

Buǵan deıin habarlanǵandaı, Taıvanda «Danas» taıfýny saldarynan eki adam kóz jumyp, 500-den astam adam jaraqat alǵan.

Aıta ketelik «Danas» taıfýny: 500-den astam adam zardap shekkeni týraly jazǵan edik.