«Danas» taıfýny: 500-den astam adam zardap shekti

ASTANA. KAZINFORM — Taıvanda «Danas» taıfýnynyń soqqysy saldarynan eki adam qaza taýyp, 500-den astamy jaraqat aldy, dep habarlaıdy Kazinform Reuters 

Bir adam ústine aǵash qulap qaza tapsa, ekinshisi elektr qýatynyń óshýine baılanysty respıratordyń isten shyǵýynan kóz jumdy.

Jeldiń jyldamdyǵy 220 km/saǵ deıin jetti. Daýyldyń saldarynan batys jaǵalaýdaǵy kásiporyndar men mektepter jabyldy. 700 myńnan astam úı elektr jaryǵynsyz qaldy. Qurylys jumystary ýaqytsha toqtatyldy. 300-den astam áýe reısi toqtatyldy. Taıfýn temirjol qatynasyna da keri áserin tıgizdi.

Sınoptıkterdiń málimetinshe, apta sońynda taıfýn Qytaıdyń shyǵys jaǵyna jetedi.

Buǵan deıin Qytaıdyń ońtústigine 2025 jylǵy alǵashqy taıfýn soǵýy múmkin ekeni habarlanǵan edi. 

Aıta ketelik Qytaıdyń ońtústigindegi taıfýn saldarynan on myńnan astam adam evakýatsııalandy.