Dana Júnisova «Atameken» UKP basqarma basshysynyń orynbasary bolyp taǵaıyndaldy

ASTANA. QazAqparat - QR «Atameken» Ulttyq kásipkerler palatasy prezıdıýmynyń 2016 jylǵy 3 mamyrdaǵy sheshimimen tóraǵanyń orynbasary, basqarma múshesi bolyp Dana Beısenqyzy Júnisova taǵaıyndaldy, dep habarlaıdy UKP-nyń baspasóz qyzmetinen.

Dana Júnisova EAEO, DSU, kedendik ákimshelendirý, tehnıkalyq retteý, ónerkásip jáne ınvestıtsııalyq saıasat, sondaı-aq kólik salasy máselelerine jetekshilik etedi.

31 jastaǵy Dana Júnisova - Tselınograd qalasynyń týmasy. T.Rysqulov atyndaǵy Qazaq ekonomıka ýnıversıtetin «Býhgalterlik esep jáne aýdıt» mamandyǵy boıynsha támamdap, ekonomıst biliktiligin aldy. Qazirgi kezde Eýropalyq ýnıversıtet baǵdarlamasy boıynsha Halyqaralyq bıznes akademııasynyń magıstranti bolyp tabylady.

Eńbek jolyn 2003 jyly «Kazaqstan temir joly» Ulttyq kompanııasy» AQ-da bas maman bolyp bastaǵan. Odan keıin «Astana-Fınans» AQ-da bas menedjer, «2011 jylǵy 7-shi qysqy Azıada oıyndarynyń Uıymdastyrý komıtetiniń atqarýshy dırektsııasy» AQ-da departament dırektory bolyp qyzmet atqardy.

2013-2015 jyldary tarıf ornatý boıynsha departament dırektorynyń orynbasary, Ekonomıkalyq ıntegratsııa departamenti dırektorynyń orynbasary, Ekonomıkalyq ıntegratsııa departamentiniń dırektory, Qazaqstan Respýblıkasy Ulttyq kásipkerler palatasynyń Ónerkásip jáne ınvestıtsııalyq saıasat departamentiniń dırektory bolyp qyzmet atqardy.

2015 jyldyń qazan aıynan bastap qazirgi ýaqytqa deıin - basqarma tóraǵasy orynbasarynyń m.a. - «Atameken» QR Ulttyq kásipkerler palatasynyń ekonomıkalyq ıntegratsııa departamentiniń dırektory qyzmetinde.