Dana Nurjigitova: Joldaý zamanǵa saı jyldam áreket etýge áser etetin qujat bolmaq

NUR-SULTAN. QazAqparat - Prezıdent Qasym-Jomart Kemeluly Toqaevtyń halyqqa joldaýyn tarıhı qujat dep aıtýǵa bolady. Bul san salany qamtyǵan, saralanǵan salmaqty strategııalyq jospar. Senator Dana Nurjigit osyndaı pikir biidirdi, dep habarlaıdy QazAqparat.

«Búgingi halyqaralyq geosaıası shıelenister men óz elimizdegi ishki túıtkilder kez kelgen adamdy abdyraıtyndaı, qobaljıtyndaı jaǵdaıǵa túsirdi. Alaıda, kósh bastaıtyn tulǵanyń ondaı kúıge túsýge haqy joq. Jolynan taımaıtyn, naqty jospary bar adam ǵana syrtqy jaǵdaıdy elemeı, óz traektorııasynan aýytqymaıdy. Biz dál sondaı adamnyń qolynan shyqqan jospardy kórdik. «Kúshti Prezıdent, yqpaldy Parlament, halyqqa esep beretin Úkimet» - bul 2019 jyly Prezıdenttik saılaýǵa túsken kandıdat Toqaevtyń saıası tuǵyrnamasy bolatyn. Qasym-Jomart Kemeluly sol aıtqanynan búgin de jańylmady», - deıdi Senat depýtaty.