Dana Nurjigit - «Jyldyń úzdik telejúrgizýshisi» atandy
ASTANA. QazAqparat - «Tumar» ulttyq televızııalyq báıgesiniń saltanatty marapattaý rásiminde «Jyldyń úzdik telejýrnalısi», «Jyldyń úzdik telejúrgizýshisi» nomınatsııalarynyń jeńimpazdary belgili boldy, dep habarlaıdy «QazAqparat» HAA tilshisi.
Saltanatty rásimde «Úzdik rejısserlik jumys» nomınatsııasy boıynsha - Qýanysh Orazalıevtiń «Bylo delo» rejısserlik jumysy úzdik dep tanyldy. «Úzdik operatorlyq jumys» nomınatsııasy boıynsha - «Naedıne s prırodoı» baǵdarlamasymen «Qazaq TV» top jardy.
«Jyldyń úzdik telejýrnalısi» nomınatsııasyn «Eýrazııa» birinshi arnasynan Ashat Nııazov, al «Jyldyń úzdik telejúrgizýshisi» marapatyn Dana Nurjigit jeńip aldy.
«Eń birinshiden osyndaı sharany uıymdastyrǵan QR Aqparat jáne kommýnıkatsııalar mınıstrligine alǵys aıtqym keledi. «Tumardyń» aýqymy keńeıdi. Bul marapat shynynda da jumys sapasynyń etalony bola alatynyna senimim zor. Tarıhı reportajdy kórip otyryp, keremet kóńil kúıde boldym», - dedi «Jyldyń úzdik telejýrnalısin» marapattaǵan «Forbes Kazakhstan» basylymynyń jetekshisi Armanjan Baıtasov.
Eske sala ketsek, «Tumarǵa» ótinimderdi qabyldaý tolyǵymen avtomattandyrylyp, kaztube.kz portalynyń negizinde júzege asyrylǵan bolatyn. Báıgege qatysýshylardyń joǵary belsendilikterin atap ótý kerek. Ótinimderdi qabyldaý kezeńinde kaztube.kz portalyna kirýshiler sany 80%-ǵa ósti, al ótinimder sany byltyrǵy kórsetkishke qaraǵanda 1,6 esege artty (240 ótinim).
2018 jyly «Tumarǵa» 397 konkýrstyq jumys kelip tústi. Olardyń ishinde qazylar alqasy Báıge erejesiniń talaptaryna sáıkes rásimdelgen 355 konkýrstyq ótinimdi qaraýǵa qabyldady.
Aǵymdaǵy jylǵy báıgege 14 nomınatsııa boıynsha ótinimder qabyldaý 15 qańtar men 1 naýryz aralyǵynda júrgizilgen.
Foto: www.kerek-info.kz
