Dana Nurjigit: Prezıdent maqalasyn oqyp shyǵýǵa keńes beremin
NUR-SULTAN. QazAqparat – QR Parlamenti Senatynyń depýtaty Dana Nurjigit QR Prezıdenti Qasym-Jomart Toqaevtyń «Egemen Qazaqstan» gazetinde jarııalanǵan «Táýelsizdik bárinen qymbat» atty maqalasyna qatysty pikir bildirdi, dep habarlaıdy QazAqparat tilshisi.
«2000 jyldary delımtıatsııa jumysy óte qarqyndy júrgizilgeni belgili. Prezıdenttiń maqalasynan túsingenimizdeı, osy máseleni sol jyldary qolǵa alǵan Nursultan Ábishulyna «osyny asyqpaı jasaýǵa da bolar edi» degen syńaıdaǵy pikirler de aıtylǵan kórinedi. Al búgin, Elbasynyń sol kemeńgerligi bolmasa, shekara máselesi barlyq maǵynada ashyq bolyp jatsa, jaǵdaı qalaı bolar edi?! Ony oılaýdyń ózi qorqynyshty! Keńes Odaǵynan bólinip shyqqan 15 sotsıalıstik respýblıkanyń ishinde osy máselege 90-shy jyldary zor mán bergen jalǵyz Qazaqstan ǵana! Osyndaıda Ahmet Baıtursynulynyń «El – búginshil, bizdiki – erteń úshin» degen sózi oıǵa oralady», - dep jazdy senator Instagram -daǵy paraqshasynda.
Onyń aıtýynsha, erteńin oılaǵan Prezıdent Qasym-Jomart Toqaev naqty iske,nátıjege den qoıatyn baısaldy basshy ekenin tanytty. Sondaı-aq ol óz maqalasynda ultymyzdyń damý jolynda eń aldymen ádildik qaǵıdatyn ustanatynyn basa aıtyp otyr.
«Búgingi qıyndyqtar ótedi, pandemııaǵa adamzat bolyp tótep berip jatyrmyz. Ómir munymen toqtamaıdy. Sondyqtan búgingimen alysyp júrip,erteńimizdi joǵaltyp almaýdy oılaıyq! Al, erteńgi urpaǵymyzǵa qaldyratyn eń basty muramyz, eń qymbat qundylyǵymyz - Táýelsiz Qazaqstan», - dedi depýtat
«Egemen Qazaqstan» gazetine shyqqan Prezıdentimiz Q.K.Toqaevtyń maqalasyn oqyp shyǵyńyzdar dep keńes beremin, qymbatty oqyrmandarym! Osy eldiń azamaty retinde bárimizdi mazalaıtyn máselelerge Prezıdent jan-jaqty, tereń ári keń aýqymdy saraptama jasap jazypty», - dep jazdy Dana Nurjigit.
