Dana Nurjigit: Aǵartýshylyq baǵyttaǵy telebaǵdarlamalardy bilim júıesine engizý kerek

NUR-SULTAN. QazAqparat - Otandyq BAQ salasyn damytý máselelerine arnalǵan dóńgelek ústel jıynynda Parlament Senatynyń depýtaty Dana Nurjigit aǵartýshylyq baǵyttaǵy telebaǵdarlamalardyń róli jóninde sóz qozǵady, dep habarlaıdy QazAqparat.

«Qazirgi qysyltaıań shaqta bilim berý onlaın júıege kóshti ǵoı. Úıde solaı bala oqytyp otyryp, televızııada reıtıngten jeńilip qalǵan aǵartýshylyq baǵdarlamalar oıyma tústi. Osyndaı kontentti bilim baǵdarlamalaryna engizý kerek sııaqty. Báribir balalarǵa arnalǵan jaqsy baǵdarlamalardyń kóbi shań basyp jatyr. Kitaphanadan kitap izdegendeı mundaı dúnıelerdi de qazirgi zamannyń talabyna saı aınalymǵa qosý qajet. Sondaı-aq ár arnanyń kelbetin jasaýymyz kerek. Tulǵa bolatyn, qoǵamǵa sózi ótimdi jýrnalısterdi shyǵarýymyz kerek. Telearna sondaı sheberhana bola alady. Osy maqsatta jumyla jumys isteý mańyzdy. Sol kezde ǵana bilikti jýrnalıster arqyly arnanyń kelbeti qalyptasady», – dedi senator.

Sonymen qatar Dana Nurjigit jýrnalısterdiń áleýmettik máselesine mán berip, olardy baspanamen qamtý týraly atap ótti.