Damyǵan memleketterdiń basym bóligi latyn grafıkasyn tańdady

ASTANA. QazAqparat - Dúnıejúzilik banktiń málimetine sáıkes, álemde mańdaıaldy 30 ekonomıkalarynyń 22-sy latyn álipbıin qoldanyp júr. Bul degenimiz, damyǵan memleketterdiń basym bóligi latynsha aqparat almasady, dep xabarlaıdy QazAqparat tilshisi.

«Al eń baı 20 eldiń 18-i latynǵa kóshken. «Doing Business» reıtınginde úzdik 30 memlekettiń 25-si latyn álipbıin qoldanyp júr. Qazirgi derekterge sáıkes, jyl saıyn álemde ǵylymı ádebıetterdiń 80 paıyzy latyn grafıkasymen basylady. Jer-jahanda aqparattyń 70 paıyzy latynsha taralady. Sondyqtan latyn álipbıi arqasynda biz xalyqaralyq texnıkalyq leksıkany óz tilimizge beıimdeı alamyz», - deıdi Qazaqstan Halqy Assambleıasy Tóraǵasynyń orynbasary Darxan Myńbaı.

Onyń aıtýynsha, latyn arqyly tsıfrlandyrý úderisine de jyldam iligip ketýge bolady. Al el ekonomıkasyn tsıfrlandyrý, eń bastysy, xalyqtyń osy saladaǵy saýatyn arttyrý Qazaqstannyń mańyzdy ári basymdy maqsaty bolyp sanalady.

Aıta keteıik, QR Parlament Májilisinde ótken qoǵamdyq tyńdaýda latyn álipbıiniń biryńǵaı nusqasy tanystyrylǵan bolatyn.