Damyǵan elderdiń daǵdarysyna baılanysty damýshy memleketterdiń ósim qarqyny baıaýlap otyr - E. Dosaev
Búgin Májilistegi Úkimet saǵatynda baıandama jasaǵan Ekonomıka jáne bıýdjettik josparlaý mınıstri Erbolat Dosaev osylaı málim etti.
Mınıstrdiń aıtýynsha, eýroaımaqta úsh toqsan qatarynan jalpy ishki ónimniń ósimi teris bolǵan. Máselen, ekinshi toqsanda -0,2 paıyz, úshinshi toqsanda - 0,1 paıyz, al tórtinshi toqsanda 0,6 paıyzǵa jetken. Boryshtyń jıyntyqtaǵy kórsetkishi jalpy ishki ónimniń rekordtyq belgisinde turaqtalýda. Qatań únemdeýdiń qabyldanǵan sharalary jumyssyzdyqtyń ósýine soqtyryp, 18 mln.-nan astam adamdy quraǵan. «2013 jyly AQSh-tyń sońǵy tórt jyl ishindegi 1 trln. dollardan asatyn, 2012 jyldyń jalpy ishki óniminiń 7 paıyzǵa deıin qysqarýymen baılanysty problemalarmen betpe bet kelýi múmkin. Eń aldymen bul bıýdjet shyǵystarynyń qysqarýy AQSh ekonomıkasyna kúmánsiz teris áser etetinine qatysty. Ótken 28 aqpannan bastap 85 mlrd. dollarǵa deıin AQSh bıýdjette sekvestr ótkizgen. Naýryzdyń aıaǵyna deıin AQSh-tyń eki palatasy bir birimen kelissózge kelmese, jańa sekvesterler de bolýy múmkin», - deıdi Erbolat Dosaev. Onyń aıtýynsha, damyǵan elderdiń daǵdarysyna baılanysty damýshy memleketterdiń ósim qarqyny da baıaýlaý úrdisin kórsetip otyr.
«Osylaısha, Qytaıdyń jalpy ishki ónimi 7,9 paıyz deńgeıinde qalyptasty. Bul sońǵy on úsh jyldaǵy eń tómengi kórsetkish bolyp otyr. Qytaılyq ıenanyń jáne jumys kúshiniń ósýi taıaý ýaqytta Qytaı eksportynyń básekege qabilettiliginiń tómendeýine ákelýi múmkin. Osy jaǵdaıǵa oraı kóptegen bedeldi halyqaralyq uıymdar taıaý jyldarǵa ózderiniń boljamdaryn tómendetti. Halyqaralyq valıýta qory qańtar aıynda 2013 jylǵa arnalǵan álemdik ekonomıkanyń ósý boljamyn taǵy da 3,5 paıyzǵa azaıtty. Bunyń ózi qazan aıyndaǵy boljamnan 0,1 paıyzǵa kem», deıdi mınıstr.
